Njoe Nakeuh salah Saboh Tulehsan njang geutuleh le salah si droe anggeta ASNLF Malaja seubagoe PEU INGAT UROE PAHLAWAN NEUGARA ATJEH keu 140, 23 APRIL 2013

                       PEU INGAT UROE PAHLAWAN NEUGARA ATJEH keu 140, 23 APRIL 2013

Uroe njoe nakeuh uroe rayeuk geutanyoe “UROE PAHLAWAN NEUGARA ATJEH” ta peuingat keumeunangan geutanjoe njang raja lagoina dalam mideun Prang Bandar Atjeh, 140 thon njang ka ulikot nibak uroenjoe, watee Angkatan Prang Neugara Atjeh peutaloe Angkatan Prang Beulanda, njan keuh go phoen teuntra Eropa teurimoeng taloe dalam seuh prang, dalam seudjarah Asia Teunggara njoe. Adak meu Ureung Atjeh na teuingat geuh keu hai njoe bak thon 1945, geutanjoe ka keumah ta peu MEURDEHKA droeteuh bak watee njan laju.

                      Di miyub njoe teu ulang lom haba Mideun Prang Bandar Atjeh

                Bak uroe 26 mart, 1873, saboh armada Beulanda njang paleng raya njang na tom jimeusapat di Asia Teunggara njoe jiteuka u Kuta Radja djidjak ba Ultimatum Keuradjaan Beulanda keu Keuradjaan Atjeh, njang asoe djih lagee njoe:

1.       Jilakee supaya Atjeh meunyeurah keu Beulanda deungon hana meulawan dan teurimoeng neuduk sibagoe jajahan Beulanda (Indonesia).

2.       Jilakee supaya Atjeh tham ureung meurampok di Seulat Malaka dan tham meuniaga lamiet di Sumatra.

3.       Jilakee supaya Atjeh jok keu Beulanda bandum wilayah2 di Sumatra njang mantoeng dimiyub deelat Atjeh.

4.       Jilakee supaya NEUGARA ATJEH peuputoih bandum hubongan diplomatic ngon NEUGARA2 EROPA dan ASIA dan peuputoih hubungan ngon Khalifah Islam di TURKi dan meusumpah setia keu Radja Beulanda.

5.       Peu’ek Bandira Beulanda dan peutroen Bandira Atjeh.

Peu njang jilakee dalam pasai 2, hana laen maksud jih nibak supaya jeut jipeugah bak donya bahwa jih dijak prang geutanjoe deungon maksud jijak “Peumeurdehka lamiet dan jak tham peurampok”.

        Uleh Radja Atjeh, Sultan Mahmud sjah, neu cok sikap njang patot meunurot keuhormatan bansa geutanjoe: Ultimatum Beulanda njan geutulak meuntah-meuntah, dan siap neu meuprang nibak neu peutheun DEELAT NEUGARA ATJEH sampoe titep darah njang keu seuneulheuh.

        Dari haba di ateuh jeulaih that bahwa Endatu geutanjoe Bansa Atjeh han geusurot meu silangkah pih nibak geupeutheun Deelat Neugara Atjeh, dan siap neu keureubeun njawoeng geuh nibak neujaga tanoh pusaka dan Aneuk Tjucoe geuh njang akan lahee bak masa ukeu. Maka kamoe dari ASNLF MALAYA that meuharap nibak Bansa Atjeh beu tasamboeng pu njang kalheuh neu pubut uleh Endatu teuh dan han sagai2 ta tundok keu musoh njang teuka dari blah deih laot njang ka dijak peu ureung2 droe jih keunoe u Atjeh, dan bek ta iseuk lagee njang ka neu peusan uleh Endatu teuh, njang asoe jih lagee njoe:

        Hajat lon aneuk

        Tadoeng beukoeng

        Beu meu gloeng

Lagee geupula.

Malaja,17 April 2013

T ZULKIFLI ANNAN

ASNLF MALAYA