Tulèhsan peiungat

PEUINGAT UROE RAJEUK

Assalammualaikum wr wb..

Saleum seudjatra ukéuë sjèëdara mandum bangsa atjèh pat – pat mantoëng na  ban sigôm donja,seulaweut meuirèng saleum Atèuh Rasul ambiya Nabi muhamammad SAW.Lam Tulèhsan njoë lôn neuk peutrang biok peukara keu geutanjoë khusus djih bangsa atjèh njang mulia dalam su èuë nibak ta peuingat uroë-uroë rajek

Thôn meugantoë thôn mmeusamboeng dari geuneurasi keu geunerasi geutanjoe bangsa atjeh ka meu udep ie miyup ideology gob dan geunerasi geutanjoe ka geuteurimoëng pèndidikan dari njang hana djeulaih (Hindunisia) njang ka saban ta tupèuë le geutanjoë njang meuseubab hana djroeh keu geunerasi tanjoë dan chit seulama djih han saban pham ngoen geutanjoë bangsa atjèh  miseu mantoeng ta tjakin droë teuh saboh bangsa njang mulia ateuh rueng dunja njoe .

Karap 80% bangsa atjèh uroë njoe ka gadoeh identity,ka hana meusoë droë le,ka meu budaya atawa meu ideology deungoen ideology njang ie keubah le musoh ka ta ngui le geutanjoë,ka hana lé ta ngui péuë-péuë mantoëng njang ka geu keubah le indatu teuh meunan chit dalam hubungan social antara droë keu droë uroë njoe hana soe pakoe lè ka doek mandum ie peulamiet lè musoh njang njata deuh ikeu dan lam seulimboet dum.

Padim – padim droë ureng teuk sagai njang tem peureumèun peukara atjèh uroë beu meu ulang lagè masa dilèë deungoen djalan tanjoë tuntuk hak teuh lakè kebebasan tapi geutanjoë rakjat uroë njoë mandum seumah pue njang ka njata iè peu ancoe geuntajoë deungoen tjara njang muslihat, djaroe-djaroe peundjadjah ka leubèh panjang uroë njoë iè atjèh deungoen na peurahoë pulitèk lagèë meutulèh lam ayat hantu MoU Helsenki

Bangsa Atjèh njang meutuah, kon uroë kartini njang suah ta peurajeuk tapi geutanjoë na Cut Njak Dhien, Cut Mutia dan lè lom njang laen, kon G 30/S PKI njang suah ta keunang tapi geutanjoë na uroë keudjadian njang leubeh keujam lom nibak njan njang ie peulaku le PKI mirah putih dan aneuk djih njang na ie aceh uroe njoe, hana perlè lè hai bangsa lôn tanjoe djak seumah 17 Agustus, njan keuh uroë siai keu geutanjoë bangsa Atjèh

Geutanjoë na uroe droë teuh njang njang suah ta peurajeuk keu ta peuingat geuneurasi akan uroë-uroë Nasional Atjèh, njang mandum njan na kekuh keu tjara geutanjoë keunang djasa-djasa indatu geutanjoe dari masa Beulada sampoe troek lam reugam Tentara djawa hindunisia keu geutanjoe mandum bangsa atjèh

Keu seubab njan keuh uroe-uroe rajeuk njang ta peuingat le geutanjoe na 3 boh bab, njakni Agama, Nasoinal Atjeh sereuta Day International,Lage Di miyup Njoe :

• Agama
• 24 Januari (12 Rabi'ul Awal) Molôd
• (27 Radjab) Isra' Mi'raj
• (1 Ramadhan) Uroë Phôn Puasa
• (17 Ramadhan) Uroë Phôn Trôh Al-Qur'an
• 9-10 August (1 Sjawal) Uroë Raja 'Idul Fitri
• 15 Oktober (10 Zulhijjah) Uroë Raja 'Idul Adha
• 4 November (1 Muharram) Thôn Barô Hidjrah
• 13 November (10 Muharram) Uroë Ashura
• Nasional Atjèh
• 26 Mart Seurangan Beulanda
• 5 Mai Tragedi Simpang KKA (check)
• 3 Juni Uroë WN
• 23 Juli Tragedi Beutong Ateuh (check)
• 4 Désèmbér Uroë Milad AM
• 26 Désèmbér Uroë Tsunami
• 25 Januari Uroë Sjahid Tgk Chik di Tiro

Januari 25 Tengku Chik di Tiro (Uroë Syahid Teungku Chik di Tiro, 1891)

Januari 28 Mahmud Shah (Uroë Syahid Sultan Mahmud Syah, 1874)

Februari 11 Cut Nyak Dhien - Teuku Umar (Uroë Syahid Teuku Uma, 1891)

Mart 26 Prang Aneuëk Galông (1896)

April 23 Uroë Pahlawan (Prang Banda Acèh, 1873)

May 21 Prang Gunong Alimon (1910)

September 5 Prang Aluë Simi (1910)

Desember 3 Prang Aluë Bhôt (1911)

Desember 27 Iskandar Muda Uroë Wafeut Iskandar Muda, 1639

·         Internasional

o    1 January New Year

o    1 May Labour Day

o    3 May World Press Freedom (check)

o    20 June World Refugee Day

o    9 August World’s Indigenous People (check)

o    12 August Youth Day (check)

o    24 October UN’s Day

o    10 Désèmbér Human Rights Day

Meumada njoe keuh tulèhsan peuingat keu mandum bangsa lôn dan that djroeh serta that lôn harap lam uroè Nasional Atjèh geutanjoë bangsa Atjèh djeut tadjoek  inisiatif  dan kontribusi geutanjoë ta peugoet peuë – peuë mantoeng atjara atawa tulèhsan njang meusifeut positif ngat deuh leumah geutanjoe bangsa Atjèh  tatèm ingat dan sambong keu lai tjita-tjita njang goh troek keu bangsa Atjèh ….amin

Malaja,29/4/2013

Musafir

Sèkrètariat Asnlf Malaja