Amanat Keutuha Presidium ASNLF
Amanat Keutuha Presidium ASNLF
Bak Uroë Ulang Thôn Atjèh Meurdéhka Keu-38 (1976 – 2014)
4 Désémbèr 2014
Bismillahirrahmanirrahim,
Assalammu’alaikum w.w.
Njang ulôntuan peumulia bandum bansa Atjèh ateuëh rhuëng dônja njoë.
Alhamdulillah pudjoë keu Po Teuh Allah SWT, njang ka neubri nikmat hudép, langkah dan raseuki keu geutanjoë bandum. Seulaweuët dan saleuëm ta peutrôh keu djundjôngan geutanjoë Rasulullah Muhammad SAW. Meunan tjit keu sjuhada geutanjoë tameudo’a sabé beu lapang kubu dan neubri sjuruga.
Bak uroë njoë tapeu-ingat keulai saboh uroë njang that² meumakna keu geutanjoë bansa Atjèh, uroë tapeu njata keulai keumeurdéhkaan geutanjoë, uroë tapeunjata droë teuh bibeuh nibak peundjadjahan bansa aséng.
Acheh-Sumatra National Liberation Front (ASNLF) atawa Atjèh Meurdéhka (AM), njang neupeudong ulèh almarhum Wali Neugara Tgk. Dr. Hasan di Tiro, nakeuh saboh organisasi bansa Atjèh teutap teuglong lagèë geupula untôk peudjak buët² peuteuntèë naséb droë.
Dalam keuseumpatan got njoë ulôntuan lhôh batjut keureudja², njang ka tapeulaku dalam thôn 2014 njoë. Sitjara umum djeut takheun dalam masa sithôn njoë, kamulai deuh langkah² atawa keureudja² njata. Keuneumaklum, ulôntuan peutrôk momen2 peunténg mantong, saweuëb hana mungkén bandum hai taruah di sinoe.
Silaén nibak buët uroë2 untôk peutrang peukara dan alasan Atjèh Meurdéhka dalam masjarakat Atjèh, dalam thôn njoë ka mulai tapeutamong peukara perdjuangan Atjèh meurdéhka dalam meubagoë keuseumpatan di tingkat internasional.
Dalam salah saboh Side Event di Palais des Nations, Djenèwa, bak uroë buleun 14 Mart 2014, sjèëdara Waki Keutuha Presidium ASNLF, Yusuf Daud, ke neupeutrôk haba peukara seumeupoh bansa Atjèh ulèh pihak Indonesia djikeu peuseurta, njang teuka dari meubagoë waki organisasi dônja njan na perhatian dalam peukara Hak-hak Azasi Manusia.
Bak uroë njang saban, ka tapeugot tjit aksi demo dan orasi bersama deungon bansa Maluku dan Papua di keu kanto PBB di Djenèwa. Njoë nakeuh saboh aksi solidaritas njang that meumakna bagi bansa Papua, Maluku dan Atjèh untôk tapeudeuh bak dônja, bahwa geutanjoë teungoh ta-tuntôt hak-hak droëteuh dan pakriban pihak Indonesia djidjak peudong sistem peudjadjahan dengon tjara djipoh maté meureutôih-ribèë bansa² asli nibak wilajah njan.
Sibagoë seunambong aksi njan, bak uroë buleun 28 April 2014, Keutuha Presidium ASNLF ateuëh nan UNPO, ka neupeutrôk peukara² njang djipeulaku uléh pihak Indonesia ateuëh bansa Papua, Maluku dan Atjèh djikeu sesi keu-52 Komitee Ekonomi, Sosial dan Budaja, Perserikatan Bansa², di dalam Palais Wilson, Djenèwa.
Sigohlom njan bak akhé buleun Mart, geutanjoe ta ikôt seureuta dalam demonstasi rajek njan djipeugot lé bansa² di 'Iërupah njang teungoh tuntôt hak peuteuntèë naséb droë di Brussels, Belgia. Dalam masa njan ka tangui tjit keseumpatan untôk tatamong dalam parlemen Uni 'Iërupah, untôk tatjukéh peukara Atjèh Meurdéhka dalam salah saboh sesi njang djipeugot ulèh anggèëta parlemen njan.
Sjèëdara bandum bansa Atjèh njang ulôntuan peumulia,
Liwat saboh rapat Prèsidensi UNPO bak akhé buleun April, ASNLF ka djiteurimong reusmi sbg anggèeta UNPO keulai bak uroe buleun 28 Djuni 2014. Njan bandum beurkat ikhtijeu dan do'a geutanjoë lawétnjoë, sehingga deuh batjut² hasé nibak keurdja² njang ka tapeulaku. Khusuihdjih, keu sjèedara² seubansa njang ka neubri beunantu untôk keumah tabajeu keuwadjéban geutanjoë sibagoë anggèëta organisasi dônja teupat meusapat bansa² laén njang seunaséb lagèe geutanjoë njoë, ulôntuan peutrôk rasa teurimong geunaséh njang that² lambông.
Ban² njoë katatamong tjit lam UN Forum for Minority Issues ateuëh nan organisasi droëteuh, Acheh-Sumatra National Liberation Front. Njoë nakeuh saboh langkah leubèh madju dari njang ka² tapeudjak dalam masa njoë. Delegasi ASNLF, njang neupimpén ulèh sjèëdara Waki
Keutuha Prèsidium, kaneupeutrôk haba Atjèh meurdéhka djikeu waki² neugara anggèëta PBB, badan² dônja laén dan peuseurta njang teuka dari ban sigom dônja, bak uroë buleuën 25 – 26 Novèmbèr 2014.
Tan kureung tjit ôseuha² nibak sjèedara² di meubagoë teumpat ateuëh rhuëng dônja njoë, peukeuh di lua atawapih di dalam Atjèh, sehingga djinoë makén rame trôk sokongan dan simpati keu seunambông perdjuangan éndatu teuh njoë.
Proses rekonsiliasi bansa Atjèh untôk meusaboh droë dalam perdjuangan Atjèh meurdéhka keulai makén deuh njata. Njoë nakeuh keusadaran njang akan djeut keu pangkai untôk peukong kekuatan peurdjuangan keumeurdéhkaan Atjèh di masa ukeuë.
Kateuntèë tiëp² perdjuangan na halangan dan rintangan, tapi seumangat dan heut bansa Atjèh hana surôt, malah deuh takalon dan tarasa makén meutamah teuga.
ASNLF atawa AM, sibagoë saboh wadah aneuk bansa njang peudjak misi dan aspirasi Atjèh meurdéhka, akan teutap peugot langkah² konsolidasi untôk peuwudjôd tjita² njan. Ide, pikéran, teunaga dan sigala kemampuan njang na bak bansa Atjèh akan sabé tangui untôk peutentèë naséb droëteuh.
Akhé kalam, saleuëm meutjhén ulôntuan keu bandum bansa Atjèh njang mantong seutia keu peurdjuangan éndatu pat mantong ateuëh rhuëng dônja.
Wassalam
ttd.
Ariffadhillah
Keutuha Presidium
PIDATO MILAD KEU 38 ULEH PEUWAKILAN NANGGROE MALAJA
Aceh – Sumatera National Liberation Front
(ASNLF) PM-Malaysia
Bak Uroë Ulang Thôn Atjèh Meurdéhka Keu-38 (1976 –
2014)
Amanat Keutuha
ASNLF Peuwakilan Malaja
4 Désémbèr 2014
Bismillahirrahmanirrahim
Assalammualaikum wr wb
Pujoe dan syukor kehadirat Allah SWT yang ka geubrie
seugala nikmat dan rahmat ateuh geutanjoe mandum sehingga kadjeut ta meusapat
nibak tempat yang sederhana njoe seuhingga ka keu keumah keu geutanjoe mandum
keu ta peringati uroe ulang thoen Perjuangan Aceh merdeka yang keu 38.
Selawet saleum ateuh NAbi geutanjoe Nabi Muhammad SAW
yang dengoen semangat dan perjuangan gobnjan keuh tanjoe keumah ta udep lam
alam peunoh dengoen cahaya keimanan dan ilme njang munafaat keu geutanjoe
mandum,beserta mandum sahabat gobnjan man-mandum
Saleum takzem ulon tuan keupada mandum anggeta ASNLF
Malaja beserta undangan
Teurimong geunaseh njang that lambong ukeue mandum
anggeta secretariat njang serta mandum pihak sehingga ka keumah deugoen susah pajah ta peugoet milad lage njoe
rupa sehingga mandum geutanjoe ,na pa ta rasa njang buet geutanjoe njoe akan
meuhase dengoen djeut ta peusaboh haba,pikeran dan tenaga geutanjoe demi
kemerdekaan tanoh aceh. Insja Allah.
Ukeu mandum sjedara lon bangsa aceh khusus jih
geutanjoe njang siat njoe ta meu udep
dalam nanggroe malaja,serta ta meu
organisasi dengoen saboh organisasi yang na tujuan sama yakni keu keumah
peubibeuh aceh beu meuwoe keulai lam sejarah asai,secretariat pewakilan malaja
that meuharap dukungan dari segala aspek keu ngat teurasa phui beban perjuangan
yang teungoeh ta peudjalan nibak saat njoe..suport dari segala aspek that –
that kamoe harap.hanya dengoen tindakan nyata dan saling percaya yang isya
allah tanjoe akan ta teumeng saboh kemenangan yang na yuem buet njang ta pubut njoe
saban saban nakeuh keu tanoeh dan generasi aceh masa ukeu.
Perjuangan sangat identik dengan pengorbanan, jadi
uroe njoe pihak Presidium ASNLF ka keumah geupeudjalan pekara lobi international
meumakna njan mandum kon Free tapi musti beuna pangkai
teuh untuk keumah ta peudjalan atra njan,
Dalam masa singkat njoe tanjoe mandum njang ka troek
keunoe msti ta seumike setjara logic dan beuna rasa sentiment keu kiban tjara
beu djeut ta tulong untuk beu bagah kong dan troek hajat geutanjoe mandum serta
lam peukara kiban beu keumah ta tulong peukara buet pebibeuh nanggroe teuh
njoe.
Krue semangat bangsa atjeh yang mulia
Han mungken moto ijak tan minyeuk,dan han mngken ASNLF
keumah berbicara lam forum tanpa sokongan bangsa atjeh yang mantoeng setia keu
buar pemerdeka nanggroe.miseu tanuek peugala lampoh djrat tente beupakat teuh
mandum….miseu na pakat peu merdeka nanggroe hana payah meulumpoe miseu tan ta
pubut…memada njoe biok kata sambutan bak lon selaku keutuha ASNLF MALAJA.
Wassalam
Ttd
Musafir Atjeh
Keutuha ASNLF peuwakilan Nanggroe Malaja
Acheh-Sumatra National Liberation Front (ASNLF)