Haba Peu-intat

Kru Seumangat Bansa Atjèh njang na ban sigom dônja, syukur Allhamdulillah deungôn izin Allah seureuta keu dukôngan mandum bansa Atjèh njang na lam mandum kawasan Nanggroë Malaja,Insja Allah geutanjoë ka meuhasé ta peulahé sekretariat raseumi ASNLF untôk Malaja bak urôë buleuën 27 Oktober 2012.

Dalam duëk pakat bak peulahé keulai ASNLF kali njoë leubèh lé kawôm muda Atjèh njang tém dukông dan  meuseutia keu perdjuangan seureuta mantong geutém seumiké keu suai keumeurdéhkaan Nanggroë Atjèh nibak segala pendjadjahan bansa aséng ateuh ruëng bumoë Atjèh, leubèh - leubèh saat njoë geutanjoë Atjèh ka meuramah deungon perdjanjian njang hana meumanfaat keu bansa Atjèh.

Deungon lahé perwakilan raseumi ASNLF di Malaja taharap pat mantong bansa Atjèh njang na lam kawasan Malaja djeuët tapeusapat droë dan tameusaboh ngat keumah tapeudjalan buët peubibëuh Nanggroë Atjèh nibak seugala peundjadjahan dari mandum bangsa aséng ateuh bangsa getanjoë ngat keumah ta peuwoë keulai Harôm nan Nanggroë Atjèh......Amin.....

Deugon kamoë peugot Blog ASNLF Malaja njoë beudjeuët keu saboh teumpat lam alam maja keu mandum bansa Atjèh untôk djeuët tapeudjak buët seunambong perdjuangan sutji njoë serta saban-saban tatém sipreuëk peuë-peuë mantong tuléhsan-tuléhsan njang djeuët geubatja lé sjèëdara-sjèëdara geutanjoë bansa Atjèh pat mantong na dan kamoë sangat meuharap keumandum Bansa Atjèh beusaban-saban taseumiké keu suai buët sutji njoë saweuëb hana mungkén geutanjoë bansa Atjeh harôih taudép di mijup NKRI njang hana menyangkôt sapeuë deungon Nanggroë geutanjoë dan hana mungkén tjit geutanjoë bansa Atjèh pajah ta-udép si umu masa djeuët keu lamiët lam Nanggroë droë teuh.

Meumada dilèë bé-ôk haba njang kamoë tuléh seubagoë haba meuturi rot halaman blog njoë
keu informasi djeuët neuhubông kamoë rot email: peuwakilannanggroe@gmail.com

Miseuë geutanjoë uroë njoë hana tatém seumiké keu buët perdjuangan njang mantong goh seuleusoë njoë, keumah geutanjoë Atjèh akan gadoh nan teuh ateuh saboh bansa njang mulia nibak dônja dan peungarôh nan geutanjoë Atjèh lam Dônja International....Saleuëm Meurdéhka keu mandum bansa Atjèh.

Geuparaf lé
Keutuha ASNLF Perwakilan Malaja
27 Oktober 2012